Geat mii leat?
Áittardeaddjit leat sorjjasmeahttun máhttoolmmoš geain lea jávohisvuođageatnegasvuohta. Mii leat vuosttašceahkkefálaldat geat veahkehit mánáid ja nuoraid geat leat váivves dilis. Mii maiddái bargat eastademiin ja fállat áinnas kurssaid ja logaldallamiid iešguđetlágan suorggis. Loga eanet maid mii fállat iešguđetlágan suorggide ja váldde oktavuođa iežat guovllu áittardeddjiiguin jus háliidat eanet dieđuid.
Mánáidgárdde mánát
Áittardeaddjit rávvejit ja bagadallet váhnemiid ja mánáidgárddiid vai mánás lea oadjebas ja buorre dilli mánaidgárdebirrasis.
Njuolggadusmearrádus: Mánáidkonvenšuvdna, Mánáidgárdeláhka ja Mánáidgárddi rámmaplána.
Mánáidgárdi galgá váikkuhit mánáid loaktimii, eallinmoktii, máhttimii ja dovdat iešárvvu ja easttadit loavkideami ja givssideami. Jus mánná vásiha loavkideami dahje givssideami, de mánáidgárdi ferte gieđahallat, bissehit ja čuovvulit dan. (Oassi Rámmaplánas)
Vuođđoskuvla oahppit
Givssidanáittardeaddji rávve ja bagadallá mánáid, nuoraid, váhnemiid ja skuvllaid vai ohppiid vuoigatvuohta oažžut oadjebas ja buori skuvlabirrasa áimmahuššojuvvo.
Njuolggadusmearrádus: Mánáidkonvenšuvdna, Oahpahusláhka kap.12
"Buot ohppiin lea vuoigatvuohta oadjebas ja buori skuvlabirrasii mii ovddida dearvvašvuođa, searvadahttima, loaktima ja oahppama. Buohkat geat barget skuvllas, galget dieđihit rektorii jus sii eahpidit dahje dihtet ahte oahppis ii leat oadjebas ja buorre skuvlabiras. Nu lea maiddái go oahppi ieš muitala ahte sus ii leat oadjebas ja buorre dilli. Skuvla galgá farggamusat iskat ášši ja njulget dili iežas doaibmabijuiguin." (Oassi Oahpahuslága kap. 12.)
Joatkka oahpaheapmi oahppit ja fitnooahppit
Ohppiid-, fitnoohppiid- ja givssidanáittardeaddjin bargat nannet du vuoigatvuođaid oahppin ja fitnooahppin. Dus lea vejolaš jearrat buot du vuoigatvuođaid ja geatnegasvuođa birra mat dus leat go leat oahppi dahje fitnooahppi. Mii veahkehit eaŋkiláššin jus don dárbbašat dan. Mii bargat maiddái vai dus lea buorre skuvla- ja bargobiras.
Njuolggadusmearrádus: Mánáidkonvenšuvdna ja joatkkaskuvla oahpahusláhka.
Buot ohppiin lea vuoigatvuohta oadjebas ja buori skuvlabirrasii mii ovddida dearvvašvuođa, searvadahttima, loaktima ja oahppama. Skuvla ii galgga dohkkehit loavkašuhtti láhttema, nugo ovdamearkka dihte givssideami, vealaheami ja vuortnuheami. (Oassi Oahpahuslága kap. 12.)